உரை-நுரை-திரை?

புகழ்மிக்க சிலரது சுகமுள்ள அறிக்கையில்
பொய்களும் நிஜம் போலே!
அகத்துக்கும் முகத்துக்கும் நகத்தின் நுனித்தொடர்பும்
அமைவதில்லை "மேலே"!
"ஜெகத்துக்கும் ஒளிதரும்" எனும் உரை வறுமையர்
தெருக்களில் வரவில்லையே!
பகட்டுக்குள் இருக்கைக்குள் சுகித்தவர் "குறி"க்கென
வளைக்கும் அறிவின் "வில்லையே"!


பொய் மணக்குது,"பொருள்"  விளக்குது கடற்கரைகளிலே!
நெய் மணக்குது பொய் விதைப்பவர் சமையலறையிலே!
மை வழியுது,அவர் உரைவழி,தினசரிகளிலே!
பை நிறையுது,கை  இறங்குது ஏழை தலையிலே!...